.png)
Kina ka refuzuar konkluzionin e inteligjencës amerikane se Pekini ka fshehur shtrirjen e impaktin e vërtetë të përjetuar nga epidemia e koronavirusit në popullsinë e saj. Madje ajo e ka akuzuar ShBA-në se po kërkon të zhvendosë vëmëndjen e fajin nga keqmanaxhimi i situatës të saj të përhapjes së koronavirusit.
Ministrja e Jashtme Hua Chunying të enjten i ka mbrojtur përpjekjet e vendit të saj ndaj përgjigjeve të virusit, fillimisht të identifikuara në dhjetor në qëndrën e qytetit kinez Wuhan, si të hapura e transparente. Sipas një interviste me Bloomberg ajo shprehet se inteligjenca amerikane i ka dërguar Shtëpisë së Bardhë një raport në të cilin thuhet se Pekini e ka nuk e ka raportuar numrin e vërtetë të rasteve të identifikuara me Covid-19 si dhe të atyre që kanë ndërruar jetë prej këtij virusi në Kinë.
“Zyrtarët e ShBA-së thjesht duan që të zhvendosin fajin”, shprehet Hua. “Madje ne nuk duam të bëjmë debat me ta, por të përballur më këto shpifje ndjehem e detyruar të marr kohë e të qartësoj dhe një herë të vërtetën”, vazhdon ajo.
Hua e vuri në pikëpyetje shpejtësinë me të cilën ShBA-ja i është përgjigjur shpërthimit të virusit pas ndalimit të hyrjes së qytetarëve kinezë në territorin e saj më 2 shkurt. “Mundet ndokush të më thotë se ç’ka bërë ShBA-ja gjatë dy muajve të mëpasshëm ?”, pyet ajo.
Të mërkurën Bloomberg njoftoi përmes citimeve të tre zyrtarëve kinezë anonim se raportimi publik që Kina ka bërë mbi numrin e të infektuarëve si dhe të atyre që kanë ndërrruar jetë është jo i plotë.
Që prej rastit të parë të identifikuar me koronavirus në 31 dhjetor e gjer më sot, autoritetet shtetërore kineze kanë raportuar rreth 82,000 raste infektimi me koronavirus dhe 3,300 të cilët kanë ndërruar jetë. Ndërsa ShBA-ja gjer tani ka 189,000 raste infektimi me Covid-19 dhe 4,000 individë kanë ndërruar jetën aty.
Presidenti Donald Trump në një deklaratë për shtypin u shpreh se ai nuk ka marrë informacion nga inteligjenca amerikane se Kina ka fshehur shtrirjen e vërtetë të koronavirusit në popullsinë e saj, por që në mendimin e tij numrat në lidhje me koronavirusin në Kinë duken të paket.
Ndonëse Kina, eventualisht me përhapjen e koronavirusit në vendin e saj, ndërmorri masa strikte izolimi dhe të karantinës në masë, skepticizmi drejt statistikave të saj të deklaruara mbi koronavirusin ka qënë prezent.
“Pretendimi se ShBA-ja ka më shumë vdekje se Kina është jo i vërtetë”, shprehet Ben Sasse, një republikan nga Nebraska për një intervistë të realizuar nga Bloomberg.
Ndërkohë Sekretari i shtetit Amerikan Michael Pompeo publikisht në një deklaratë për shtypin ka nxitur Kinën e gjithë vendet e tjera që të jenë transparente mbi të dhënat që kanë të bëjnë me koronavirusin. Ai vazhdimisht e ka akuzuar Kinën se ka mbuluar të vërtetën e problemit në lidhje me Covid-19 e veçanërisht në javët e para që virusi u identifikua aty e madje ka refuzuar ofertat e ndihmesës nga ekspertët amerikanë. “Këto statistika kanë shumë rëndësi që të jenë të vërteta. Kjo pasi jo vetëm që mund të cënojë besimin e njerëzve në institucionet shtetërore, por dhe nuk paraqet një pikturë të saktë mbi testimet apo efektivitetet e terapive të ndryshme mjekësore që realizohen mbi njerëzit.”, shprehet Pomepo.
Burimi: Bloomberg
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
