.png)
Ambasadorja e Shteteve të Bashkuara të Amerikës në Tiranë, Yuri Kim i kujton Presidentit Ilir Meta dhe Kuvendit se u kanë mbetur edhe gjashtë javë kohë për të mbajtur premtimin e tyre për kthimin në funksion të Gjykatës Kushtetuese.
“E lumtur që shoh progres drejt rikthimit në funksion të Gjykatës Kushtetuese brenda këtij viti. Edhe 6 javë kanë mbetur – Presidenca, Parlamenti dhe institucionet e drejtësisë duhet të punojnë me urgjencë. Faleminderit Këshillit të Emërimeve në Drejtësi për përzgjedhjen e kandidatëve të kualifikuar. Udhëheqësit duhet të mbajnë premtimin e tyre para qytetarëve shqiptarë për drejtësinë”, shkruan Kim.
