Ekonomi

Këpucë shqiptare, shiten si italiane

Të stampuara kishin fjalët “100% të prodhuara në Itali”, por ka rezultuar se 2500 këpucët e kapura në një konteiner në portin e Ravenas ishin prodhuar të gjitha në Shqipëri.

Malli është sekuestruar gjatë një kontrolli nga zyrtarët e Policisë Financiare dhe doganore ndërsa është identifikuar edhe një shtetas shqiptar në Pulia, përfaqësues ligjor i produkteve të rreme “Made in Italy”.

Falsifikimi i tyre është bërë në Itali, dhe autoritetet e konsiderojnë një formë të rëndë të ilegalitetit, e cila mund të shkaktojë dëme të rënda për ekonominë italiane. Gjithashtu shkelje të rëndë përbën edhe mashtrimi i konsumatorëve të cilët i besojnë produkteve “Made in Italy” të cilat mund të rezultojnë me cilësi më të ulët nga sa pritej.

 

Më Shumë