.png)
Kreu i grupit parlamentar të Partisë Socialiste, Bledi Çuçi, në një dalje para mediave tregoi se prioritet i socialistëve për këtë sesion të ri parlamentar është vota e emigrantëve.
“PS e ka një draft për votën e emigrantëve, ndërsa duhet vetëm konsensusi i opozitës që ai të kthehet në ligj. Ftoj këdo kryetar të çdo grupi parlamentar që të shohë me prioritet votën e emigrantëve”, tha Çuçi.
Kur u pyet se kë njeh mazhoranca si kryetar të grupit parlamentar të PD, Çuçi u përgjigj: “Nuk do të hyjmë kurrë në betejën e brendshme të PD-së. Për ne kanë interes betejat për qytetarët shqiptarë. Partitë kanë rregulla të qarta, ka edhe gjykata, nuk përcaktojmë ne se kush është kreu i një partie të caktuar apo kryetari i një grupi parlamentar të caktuar”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
