Katër fëmijë kanë mbetur të asfiksuar pas flakëve që kanë shkrumbuar katin e tretë të një pallati në fshatin Zallë të Fushë-Krujës, në orët e para të mëngjesit të sotëm. Zjarri ka rënë në një nga hyrjet e këtij pallati dhe më pas është shpërndarë në të gjithë katin, i ndihmuar edhe nga fakti që çatia e tij ishte tepër e amortizuar. Për t'u ardhur në ndihmë banorëve ka ndërhyrë shërbimi zjarrëfikës, ndërsa 4 fëmijeve të asfiksuar u ka ardhur në ndihmë shërbimi i urgjencës. Ata janë arritur të shpëtohen nga një banor i pallatit, i cilit ka shqyer derën dhe i ka gjetur të pavetëdijshëm fëmijët. Pas trajtimit në spital, ata ndodhen jashtë rrezikut për jetën.
Edhe pse ndërhyrja e zjarrëfikësve ka qenë relativisht e shpejtë, ka qenë e pamundur të shmangej djegia e të gjithë katit. Zjarri ka shkaktuar djegien e 4 hyrjeve dhe tashmë banorët kanë mbetur në qiell të hapur. Për shuarjen e zjarrit, janë angazhuar zjarrëfikset e Krujës dhe ajo e Vorës.
Shkak i zjarrit paraprakisht mendohet të jetë një shkëndijë elektrike si, pasoje e luhatjeve të tensionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.