.png)
Nga Gazeta Si - “Princesha Kate refuzoi t’i bënte nderimet mbretëreshës Kamila, ndërsa po largohej nga Westminster Abbey”, tha Tom Bower, biografi i familjes mbretërore si i ftuar nga programi i GbNews, “Dan Wootton Tonight”. Duke specifikuar arsyen: “Ajo ishte e inatosur”.
Zemërimi i Kate ndaj Kamilës atë ditë ishte vetëm kulmi i një faze tensioni midis dy grave të krijuar mbi të gjitha nga lista e të ftuarve të kurorëzimit, e reduktuar në minimum për të ulur kostot.
Princesha “ishte në gjendje të ftonte vetëm katër anëtarë të familjes së saj”, vuri në dukje Bower, aq sa vëllezërit Pippa dhe James u shfaqën pa partneret e tyre përkatëse, “ndërsa mbretëresha, midis fëmijëve dhe nipërve të saj, mblodhi njëzet të saj në Abbey, duke përfshirë edhe ish-bashkëshortin Andrew”.
Jo vetëm Kate ishte inatosur, por edhe bashkëshorti i saj Princi William, aq sa kur u largua nga Westminster Abbey, as ai dhe as ajo nuk u përkulën para mbretëreshës së re:
“Vihet re se princat e Uellsit përulen para sovranit. Por ata nuk lëvizin asnjë muskul kur kalon Kamila”, sepse sipas Bowes “ata ishin të zemëruar me mbretëreshën”.
Fakti që mes çiftit mbretëror dhe mbretëreshës ka ngrica akullnajore, konfirmohet ditën pasardhëse, kur gjatë koncertit të madh në Kështjellën Windsor William “nuk bën asnjë referim për Kamilën në fjalimin e tij”.
Kate ka edhe një arsye më shumë për t’u zemëruar me vjehrrën e saj: i detyrohet hyrjen zyrtare në Pallat të gruas që me të drejtë ose pa të drejtë konsiderohet si “rivalja” e Princeshës së Uellsit. Ajo është Rose Hansbury, markeza e Cholmondeley, e cila thuhet se ka pasur një flirt me Princin William në 2019; ndërsa mbreti Charles ka zgjedhur burrin e Rose, Markezin e Cholmondeley, si Lord of Waiting, një rol prestigjioz jo plotësisht i krahasueshëm me atë të këshilltarit personal, ndërsa Kamila i shtroi tapetin e kuq gruas së tij, në mënyrë që ajo të hynte në çështjet e Pallatit.
A mundet që largimi i William dhe Kate ta shtyjë çiftin të kuptojë më mirë arsyet e Harry-t dhe Meghan-it? Ishte vetë princi i 'mërguar' ai që vuri në dukje Kamilën si të keqen e situatës, atë që gjithmonë do të kishte komplotuar të merrte trajtim të favorshëm nga shtypi, në kurriz të Princit Harry.
Vetëm pak ditë më parë, eksperti mbretëror Christopher Andersen sugjeroi madje se gruaja e mbretit po bën gjithçka për të ruajtur status quo-në dhe për të shmangur një afrim midis Harry-t dhe babait të tij Charles. Si? “Kur sovrani vendos t’i zgjasë një degë ulliri djalit të tij, Kamila i kujton atij të gjitha gjërat e tmerrshme që Harry ka shkruar për të në librin “Spare”. Dhe veçanërisht mbi atë. /La Repubblica/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
