.png)
Ndeshjet e sotme të kualifikueseve të Botërorit kanë regjistruar rezultate interesante ku thuajse të gjithë pretendentët kryesorë kanë regjistruar fitore në sfidat përkatëse. Belgjika ka blinduar vendin e parë në Grupin E falë një fitore 8-0 të marrë në shtëpi kundër Bjellorusisë. Katër gola për çdo pjesë për belgët, që mbrëmjen e sotme kanë luajtur me ekipin e dytë, duke lënë në stol disa prej yjeve të tyre, si Lukaku, De Bruyne dhe Mertens.
I përgjigjet Hollanda me 7 gola në portën e Gjibraltar, ndërsa Portugalia kalon 3-1 në Luksemburg, me Cristiano Ronaldon që përmbysi avantazhin e vendasve. Perisic është protagonist në 3-0 e Kroacisë ndaj Maltës, ashtu si Calhanoglu për Turqinë. Skuadra e Senol Gunes pasi fitoi kundër dy skuadrave më të forta të grupit, ndalet në 3-3 nga Letonia.
Fitore edhe për Wales në Grupin E. Skuadra e Gareth Bale ka mundur 1-0 në shtëpi Republikën e Çekisë falë një goli të Daniel James në minutën e 82-të. Mesfushori 23-vjeçar i United ka shënuar me kokë pas një krosimi perfekt të Bale.
Portugalia mori një fitore paksa të vështirë ndaj Luksemburgut për kualifikueset e Botërorit Katar 2022, me shifrat 1-3. Një ndeshje që konsiderohej e lehtë në letër, u bë delikate pas 30 minutave të para, kur vendasit shokuan luzitanët me golin e Rodrigues.
Në atë moment, Portugalia nisi ta merrte më seriozisht ndeshjen dhe barazoi në fundin e pjesës së parë me anë të Diogo Jotas. Pjesa e dytë ishte akoma më e mirë për luzitanët, që përmbysën gjithçka me anë të Cristiano Ronaldos. Për të mbyllur çdo diskutim për 3 pikët mendoi mesfushori i talentuar i Sporting Lisbonës, Palhina, i cili shënoi me një goditje të bukur me kokë pas një goditjeje nga këndi. Kështu, Portugalia mori fitoren e dytë në 3 ndeshje në grup, duke u ngjitur në krye me 7 pikë, po aq sa Serbia.
Azerbajxhan-Serbi 1-2
Shënues: Makmhudov (pen.) 59’ / Mitrovic 16’, 81’
Qipro-Slloveni 1-0
Shënues: Pittas 42’
Belgjikë-Bjellorusi 8-0
Shënues: Batshuayi 14’, Vanaken 18’, 89’ Trossard 38’, 76’, Doku 42’, Praet 49’, Benteke 70’
Uells-Çeki 1-0
Shënues: James 82’
Kroaci-Maltë 3-0
Shënues: Perisic 62’, Modric (pen.) 76’, Brekalo 90’
Sllovaki-Rusi 2-1
Shënues: Skriniar 38’, Mak 74’ / Fernandes 71’
Gjibraltar-Holandë 0-7
Shënues: Berghuis 42’, De Jong 55’, Depay 61’ 88’, Ëijndalum 62’, Malen 64’, Van De Beek 85’,
Mal i Zi-Norvegji 0-1
Shënues: Sorloth 35’
Turqi-Letoni 3-3
Shënues: Karaman 2’, Calhanoglu 33’, Yilmaz (pen.) 52’ / Savalnieks 35’, Uldrikis 58’, Ikaunieks 79’
Luksemburg-Portugali 1-3
Shënues: Rodrigues 30’ / Jota 45+2’, Ronaldo 51’, Palhinha 80’
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
