Mbrojtësi i Kombëtares, Kastriot Dermaku, vuri shenjën e tij që në ndeshjen e parë si titullar me Leçen. Ai shënoi në barazimin 2-2 ndaj Kremonezes, duke debutuar me sukses me fanellën e skuadrës së re, edhe pse idealja do të ishte që Leçe ta fitonte këtë ndeshje.
Dermaku kaloi vetëm pak ditë më parë nga Parma te Leçe, madje zyrtarizimi i transferimit u bë gjatë kohës që ai ishte i angazhuar me Kombëtaren për ndeshjet me Kazakistanin dhe Lituaninë. Një kalim që erdhi për faktin se 28-vjeçari synon të luajë rregullisht, gjë që te Parma e kishte të pamundur. Fillimi me Leçen duket i mbarë dhe në javët në vazhdim të kampionatit mbrojtësi shtatlartë pritet të jetë titullar.
Leçe u gjend në disavantazhin e dy golave në fushën e saj. Me fillimin e pjesës së dytë, Dermaku shkurtoi diferencën për skuadrën e tij dhe më pas erdhi edhe goli i barazimit nga Koda. Pas 4 ndeshjesh, Leçe ka 5 pikë, me 2 barazime, një fitore dhe një humbje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.