22-vjeçari me iniciale R.D, banues në Tiranë është vendosur nën pranga nga policia e shtetit, pasi i janë gjetur armë dhe lëndë narkotike në makinë. Bashkë me armën e zjarrit, atij i janë kapur edhe dhjetë fishekë, një thikë, një sasi kanabisi e ndarë në disa doza si edhe një aparat celular.
Në përfundim të operacionin të koduar me emrin “Kryqëzimi” nga Forcat e Posaçme “Shqiponja” në bashkëpunim me Hetimin e Narkotikëve, 22 vjeçari u kap në befasi dhe materialet hetimore u referuan për veprime të mëtejshme pranë Prokurorisë së Rrethit Gjyqësor Tiranë për veprat penale "Mbajtja pa leje e armëve dhe e municionit luftarak”, "Mbajtja pa leje e armëve të ftohta”dhe "Prodhim dhe shitje lëndësh narkotike".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.