Policia greke ka sekuestruar mbi 26 kg marijuanë në kufirin greko-shqiptar. Operacioni policor u zhvillua në Kallpaq, në aksin Kakavijë-Janinë.
Policia greke ka ndaluar mjetin që drejtohej nga një 56-vjeçar grek dhe ka sekuestruar brenda tij 3 pako me 26 kg 600 gram marijuanë, të cilat ishin ngarkuar në kufirin e gjelbër.
Në pranga ra drejtuesi i mjetit, ndërkohë që u sekuestruan 2 celularë, 250 euro dhe një pajisje GPS.
Prej fillimit të vitit, policia greke ka sekuestruar rreth 3.8 ton marijuanë që vinte nga Shqipëria.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.