.png)
Dy persona janë arrestuar sot në Durrës, pasi janë kapur duke shitur heroinë.
Policia bën me dije se gjatë operacionit të koduar “Last Time” ka vënë në pranga shtetasit: F. S., 27 vjeç, i dënuar më parë për veprat penale “Vjedhja” dhe “Prodhim dhe shitja e narkotikëve”, A. D., 41 vjeç, banues në Durrës.
Policia thotë se arrestimet janë kryer në lagjen Nr. 18, pasi gjatë një kontrolli që iu bë 27-vjeçarit iu gjet dhe sekuestrua një sasi heroine të cilën po ia shiste 41-vjeçarit.
Pas arrestimit të tyre operacioni vijoi edhe me kontrollin e ushtruar në banesat e tyre ku u gjetën dhe sekuestruan qindra doza të tjera me heroinë me 223 gram, fishekë luftarak, 1 peshore elektronike dhe 640.000 Lekë të reja që dyshohet se janë përfituar nga shitja e lëndës narkotike.
Nga hetimet e kryera rezulton se këta persona në bashkëpunim me njëri-tjetrin, ushtronin këtë aktivitet kriminal duke shitur lëndë narkotike në sasi të mëdha dhe doza të vogla, me qëllim përfitimin e vlerave monetare.
Policia thotë se në bashkëpunim me Prokurorinë e Rrethit Gjyqësor Durrës, po vijon puna për identifikimin e personave të tjerë të përfshirë në këtë veprimtari kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
