Dy persona me rrezikshmëri të lartë janë arrestuar në Durrës, pasi u kapën me 1.6 kg kokainë dhe armë zjarri në makinë. Në kuadër të operacionit të koduar "Nënkalimi", janë prangosur A. P., 46 vjeç, banues në Durrës, i dënuar më parë për veprën penale “Prodhimi dhe shitja e narkotikëve” dhe E. Gj., 37 vjeç, banues në Durrës.
Fillimisht, shërbimet e Policisë, rreth orës 14:15, në vendin e quajtur “Nënkalimi i Urës së Dajlanit”, kanë ndaluar mjetin tip “BMW”, ku ndodheshin dy të ndaluarit.
Gjatë kontrollit në mjet, në pjesën e poshtme të sediljes, policia gjeti dhe sekuestroi 1 kg e 63 gr. lëndë narkotike të dyshuar kokainë.
Në momentin e ndalimit, gjatë kontrollit fizik, shtetasit E. Gj. iu gjet në brez një armë zjarri pistoletë me 14 fishkë. Gjatë ndalimit të mjetit nga forcat e policisë, ai ka goditur automjetin e agjentëve me makinën e tij dhe gjatë arrestimit, ka tentuar të nxjerrë nga brezi armën e zjarrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.