.png)
Kampionati anglez është në kaos total. Pas serisë së tretë të tamponëve që ka përfshirë 1008 lojtarë, katër të tjerë kanë rezultuar pozitivë me koronavirus. Lajmi është bërë i ditur nga “Bbc” dhe më pas është konfirmuar edhe nga Liga angleze.
Emrat e futbollistëve të infektuar nuk bëhen të ditur. Ajo që dihet për momentin është vetëm se ata u përkasin tre klubeve të ndryshme. Shkon në 12 tashmë numri i të infektuarve nga Kovid-19, lojtarë apo punonjës klubesh të Premier Ligës, ku në total janë testuar 2572 persona. Për raundin e katërt të kontrolleve, që është parashikuar për të premten, numri i testeve të disponueshme për çdo klub do të rritet nga 50 në 60, pra do të bëhen 10 teste më shumë.
Premier Liga e jep këto informacione për transparencë, por nuk të ditura publikisht detaje të tjera specifike mbi klubet apo individët. Shtimi i rasteve të të infektuarve e komplikon edhe më shumë çështjen e rifillimit të kampionatit në Angli, ku futbollistët ndihen shumë të frikësuar në këtë moment.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
