.png)
Gazeta Si - Sportistë në fushë, por edhe në tryezat e vakteve dhe dietat që mbajnë, për të qenë thjesht kampionë në kategoritë e tyre.
Sakrifica, heqje dorë, vakte pa kufi. Kalorësi legjendar panamez Laffit Pincay Jr, 9.530 fitore në karrierë, ishte i njohur për të ngrënë gjysmën e asaj që duhet të hajë një fëmijë i vogël, pra rreth 600-750 kalori.
Ndonjëherë vinte ndonjë ëmbëlsirë në gojë, kënaqej me shijen dhe pastaj e nxirrte. Por futbollistët e sotëm shpesh sillen në mënyrë të kundërt, me kuriozitete për të treguar.
Marcos Llorente, në një dietë paleolitike
Javët e fundit ka shkaktuar diskutime dieta “paleolitike” e Marcos Llorente, mesfushorit të Atletico Madridit.
Ky është një interpretim modern i asaj që hanin paraardhësit tanë rreth 2.5 milionë vjet më parë. Nuk ka makarona, bukë, oriz dhe ushqime ultra të përpunuara, ka vend për patate të ëmbla dhe karbohidrate me hekur dhe kalcium.
Pastaj vetëm djathëra me cilësi të lartë dhe gjithashtu mish (sidomos biftek). Peshk, vezë, perime. Por futbollisti ha edhe arra, fara, salmon, vaj ulliri dhe të gjitha llojet e frutave.
Çfarë duhet mbajtur larg? Nga kripa, perimet me niseshte, fasulet, thjerrëzat. “Dieta e shpellave” po shpërblehet, pasi 29-vjeçari është i rregullt në fushë për trajnerin Simeone dhe ka shënuar gjashtë gola këtë sezon.
Haaland merr 6 mijë kalori
Duhet shumë për të ushqyer sulmuesin më të rrezikshëm në Premier League, dieta e të cilit është e mbushur me zemra dhe mëlçi gjedhi, siç shpjegohet nga vetë Erling Haaland në “The Big Decision”, dokumentari i fokusuar në transferimin e tij te Manchester City.
Norvegjezi merr 6.000 kalori në ditë dhe është i çmendur pas qebapëve, të cilët për arsye të dukshme mund t'i hajë vetëm disa herë në vit.
Por dëshira e tij për mish nuk ndalet me kaq. Përveç qebapëve, 23-vjeçari ka një prirje për biftekët, karavidhet, fruta deti, rosë, ushqime indiane dhe pulë të ëmbël dhe të thartë kineze. Kohët e fundit ka filluar të filtrojë ujin dhe ka ilaçin e tij magjik në qumësht.
Ronaldo? Ha 6 herë në ditë
Pse të kufizoni veten në tre vakte në ditë kur mund të hani në gjashtë të tilla? Kjo është logjika e ndjekur nga Cristiano Ronaldo, i cili sigurisht ka buxhetin për të përballuar një bollëk të tillë.
Futbollisti portugez, është i ngarkuar me proteina dhe i pëlqen ushqimet e pasura me lëndë ushqyese, si avokado dhe peshku i freskët.
I pëlqen peshku shpatë, levreku, krapi dhe merluci. Gjithashtu për mishin e pulës, konsiderohet si një ushqim bazë, sepse është i pasur me proteina, por me pak yndyrë dhe ai është gjithashtu kundër alkoolit dhe pijeve me sheqer (siç tregohet nga beteja e tij kundër Coca-Cola-s).
Ronaldo gjithashtu ha vezë, patate të ëmbla, brokoli dhe kuinoa. Për mëngjes, ai zgjedh shpesh djathë, proshutë dhe kos me pak yndyrë, ndërsa për rosticeri, zgjedh tostin me avokado.
Kur ai është i grumbulluar me Portugalinë, nuk mund të bëjë pa “bacalhau”, një vakt tradicional luzitan, i cili përbëhet nga merluci i tharë dhe i kripur që zakonisht shërbehet me patate, qepë, vezë të ziera fort, ullinj dhe vaj ulliri. Pas ndeshjeve, ai zakonisht zgjedh biftek me patate të skuqura dhe një vezë të skuqur.
Lewandowski ha “në të kundërt”
Siç raportohet nga “Times”, Robert Lewandowski, një nga sulmuesit më të mirë në botë, zakonisht i fillon vaktet e tij aty ku zakonisht përfundojnë.
Në fakt, së bashku me gruan e tij Anna (instruktore profesioniste fitnesi), ai e fillon me një ëmbëlsirë, ndoshta një “broënie”, me bazë kakaoje të pastër.
Prej aty kalon te orizi me bazë mishi ose peshku dhe më pas përfundon me një sallatë ose supë si fillim. Pa ushqim të skuqur ose të shpejtë, laktozë ose miell gruri. Shumë hapësirë për spageti me perime dhe qull tërshëre. Ndonjëherë për mëngjes ha konflekse, në të kundërt vezë ose tartar.
Tom Brady dhe metoda "TB12"
Çfarë ha një njeri i aftë për të fituar shtatë Super Bowls (furtboll amerikan)? Tom Brady, i cili doli në pension një vit më parë, është mbështetur tek trajneri (dhe miku) Alex Guerrero për më shumë se një dekadë, i cili krijoi metodën “TB12”, e cila e lejoi atë të bëhej lojtari më i vjetër në historinë e NFL-së.
Kjo dietë e veçantë bazohet në pesë parime themelore, përkatësisht fleksibilitet, ushqim, hidratim, lëvizje dhe aftësi mendore.
Frutat organike, perimet, arrat, farat, drithërat dhe bishtajoret përbëjnë rreth 80 për qind të planit të të ngrënit të Brady-t.
20% i fundit? Sigurisht, ky është mish i ushqyer me bar, mish organik dhe shpendë pa hormone dhe antibiotikë, së bashku me peshq të egër dhe ushqim deti.
Phelps dhe dieta me 10.000 kalori në ditë
Michael Phelps, legjenda e notit me 23 medaljet e tij olimpike, mahniti gjithashtu botën me dietën e tij prej 10.000 kalorish në ditë.
Mëngjesi: Tre sanduiçe me vezë të skuqura, tre petulla me çokollatë, një omëletë me pesë vezë, tre feta bukë të thekur franceze të lyer me sheqer dhe një tas me qull misri.
Dreka: gjysmë kilogrami makarona (të pasuruara me vitamina dhe fibra), dy sanduiçe të mëdha me proshutë dhe djathë të mbuluar me majonezë dhe shumë pije energjike dhe një kilogram tjetër makarona, të ndjekura nga pica.
Një dietë e çmendur, e rrezikshme për njerëzit e thjeshtë, por e nevojshme për notarin më të mirë në botë, siç mbështetet nga trajnerja personale, Jenny Dawes: "Një notar i rregullt profesionist do të kishte nevojë për rreth 6.000 kalori në ditë, por Michael me stërvitjet e tij rraskapitëse do t'i digjte menjëherë".
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
