Policia e Beratit ka vënë në pranga një 60-vjeçar pasi ishte shpallur në kërkim për ndihmë për kalim të paligjshëm të kufirit.
Kristo Gole, nga fshati Bardhaj i Beratit, është dënuar me 3 vjet e 4 muaj burg në janar të 2018 nga gjykata e Apelit të Gjirokastrës. Bashkë me të birin, më 23 maj të vitit të kaluar në Kakavijë, dhe me H.G dhe M.SH, të dy të arrestuar, ndihmuan 4 persona të kalonin në mënyrë të paligjshme kufirin, kundrejt shumës prej 400 Euro secili.
Pasi u evidentuan nga Policia Kufitare Kristo Gole arriti ti shmangej arrestimit. Ai u kap nga autoritetet greke dhe u ekstradua në vendin tonë. Materialet proceduriale i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
