.png)
Gazeta Si – Pas suksesit 1-0 ndaj Gallatasarajit, që mundësoi kalimin e grupit bashkë me Bajern Mynih, klubi danez i Kopenhagenit e ka festuar gjatë këtë kualifikim historik. Në një nga ekranet gjigant të stadiumit u njoftua se klubi ofronte birra për të gjithë të pranishmit në ‘Parken’.
Është një arritje e madhe, që e meritonte një ‘Gëzuar’. Kopenhageni vendosi që ta festonte këtë kualifikim të bujshëm bashkë me tifozët, duke u bërë atyre një surprizë.
Pas vërshëllimës së trefishtë për përfundimin e ndeshjes me Gallatasarajin, që u vendos nga një gol i Lerager, teksa skuadra festonte në fushë bashkë me publikun, në ekranin e madh të stadiumit u shfaq një mesazh, ku shkruhej se kishte birrë gratis për të gjithë dhe se sapo kishte filluar festa e madhe.
FC København are obviously in the mood to celebrate - they’ve just announced free beer for fans in the stadium pic.twitter.com/z7YMPHi2nQ
— Football In Denmark (@footballinDK) December 12, 2023
Kopenhageni zuri vendin e dytë në grup dhe kaloi më tej bashkë me Bajernin. Gallatasaraji do të luajë në Ligën e Europës, ndërsa Mançester Junatid, që mbeti në vend të fundit, doli jashtë çdo kompeticioni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
