.png)
Gazeta Si - Kryeministrja e Francës, Elisabeth Borne, jep dorëheqjen dhe largohet nga ky post pas më pak se dy vitesh në detyrë. Presidenti Emanuel Makron është gati të riorganizojë ekipin e tij të lartë përpara zgjedhjeve që do të zhvillohen këtë vit.
Në një deklaratë Makron u shpreh se Borne kishte treguar “guxim, përkushtim dhe vendosmëri” gjatë kohës që ishte në detyrën e kryeministres. Ende nuk është bërë me dije se kush do ta pasojë pasardhësi i saj.
Ndryshimi në kryeministri vjen pas një viti me kriza politike të shkaktuara nga reformat e kontestuara të sistemit të pensioneve dhe ligjet e imigracionit, sipas Reuters.
Përpara riorganizimit, i treti që nga rizgjedhja e tij në vitin 2022, presidenti Makron ka shtyrë mbledhjen e parë të kabinetit për këtë vit, duke nxitur zërat për një ndryshim të ardhshëm në qeverisje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
