Izraeli publikon pamje nga droni: Hamasi po bllokon konvojin e civilëve palestinezë të ikin nga Gaza

Forcat e armatosura të Izraelit (IDF) kanë publikuar pamjet më të cilat pretendojnë se shfaqin bllokadën e konvojit të civilëve nga ana e Hamasit, derisa ata po tentonin të evakuoheshin nga veriu i Gazës.

Ushtria izraelite kishte paralajmëruar banorët e pjesës veriore të Rripit të Gazës, që të largohen me qëllim që të mund të fillojnë ofensivën kundër militantëve të Hamasit.

Në anën tjetër, Hamasi i ka bërë thirrje banorëve të qëndrojnë, kurse sipas izraelitëve militantët po i ndalojnë banorët të largohen duke i përdorur si mburojë të gjallë – gjë që Hamasi e ka mohuar kategorikisht.

The IDF has posted drone footage of Hamas attempts to block residents of Gaza City from evacuating south, including setting up physical roadblocks pic.twitter.com/HNOjzOPUVv
— OSINTtechnical (@Osinttechnical) October 14, 2023

IDF-ja ka publikuar pamje nga droni, që pretendojnë se shfaq bllokadat fizike të Hamasit që janë vendosur në rrugën që po e frekuentonte konvoji i civilëve që duan të largohen nga pjesa veriore e Gazës.

“Hamasi po i ndalon dhunshëm civilët që evakuohen në drejtim të jugut të Gazës”, thuhet në njoftimin e IDF-së.

This is real.

Hamas is forcefully preventing their civilians from relocating to southern Gaza for their own safety. pic.twitter.com/ykw3YwC3mG
— Israel Defense Forces (@IDF) October 14, 2023

“Kemi dëshmi që Hamasi po vendosë pengesa në rrugë për të parandaluar largimin e civilëve palestinezë që të evakuohen nga veriu në jug të Gazës. Hamasi krenohet me këtë që po i vë në rrezik civilëve dhe është përgjegjëse për çdo viktimë civile”, u tha ndër tjera.

Kreu i Hamasit njoftoi mbrëmë se palestinezët nuk do të largohen nga Gaza apo Rripi i Gazës për të shkuar në Egjipt.

“Kemi vendosur të qëndrojmë në tokën tonë”, tha Ismail Hani në një paraqitje televizive.

Mijëra palestinezë po vazhdojnë të largohen nga Gaza veriore përpara ofensivës së pritshme tokësore të Izraelit. Në përditësimin e fundit mbi evakuimet, një zëdhënës i Lidhjes së Mbrojtjes së Izraelit (IDF) tha se civilët ende në Gazën veriore duhet të shkonin sot në jug midis orës 10:00 dhe 13:00 me kohën lokale (07:00 dhe 10:00 GMT).

Ata duhet të përdorin një rrugë të vetme që shkon nga Beit Hanoun drejt Khan Yunis. Organizata Botërore e Shëndetësisë ka dënuar urdhrin e evakuimit dhe thotë se detyrimi i pacientëve në spital për t'u zhvendosur do të ishte "një dënim me vdekje".

Ndërkaq, shtetasit amerikanë dhe ata britanikë janë evakuuar nga Izraeli. Ambasada amerikane në Izrael ka thënë se u ka ofruar amerikanëve dhe të afërmve të tyre të afërt në vend evakuimin nga deti. Ata që kualifikohen do të nisen nga qyteti verior i Izraelit, Haifa, për në Qipro këtë të hënë. /bbc/telegraf

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.