Izraeli nis evakuim pranë kufirit me Libanin. Frikë për një ndërhyrje të Iranit, SHBA bëhet gati

Gazeta Si - Ushtria izraelite ka urdhëruar banorët që jetojnë në 28 komunitetet afër kufirit me Libanin që të evakuohen.

Urdhri i 16 tetorit vjen në kohën e rritjes së shkëmbimit të zjarrit në kufi midis Izraelit dhe milicisë shiite të Hezbollahut të Libanit.

Urdhri për evakuim prek komunitetet që janë 2 kilometra nga kufiri.

Grupi Hezbollah ka thënë se sulmet e shtuara janë paralajmërim dhe nuk nënkuptojnë që Hezbollahu ka vendosur që të hyjë në luftë me Izraelin.

Ky urdhër vjen një ditë pasi Shtetet e Bashkuara paralajmëruan për zgjerimin e mundshëm të konfliktit midis Izraelit dhe grupit militant palestinez të Hamasit.

Këshilltari për siguri kombëtare i SHBA-së, Jake Sullivan, deklaroi se ende ekziston rreziku që grupi militant Hezbollah ose Irani të përfshihen direkt në luftën e Izraelit me Hamasin.

Izraeli më herët ka deklaruar se mund të luftojë në dy fronte në rast të ndonjë sulmi të Hezbollahut.

Shtetet e Bashkuara e morën mesazhin për Iranin, si duke dërguar një aeroplanmbajtëse të dytë dhe duke dyfishuar avionët luftarakë, në rreth njëqind në rajon dhe përmes kanaleve private.

"Ky nuk është një provokim, është një veprim parandalues: askush nuk bën asgjë që zgjeron këtë konflikt ose rrit agresionin kundër Izraelit nga çdo drejtim", përsëriti Sekretari i Shtetit Antony Blinken.

Irani dërgoi përgjigjen e tij përmes "aleatëve të SHBA" dhe të dërguarit të OKB-së për Lindjen e Mesme, Tor Ëennesland: “Ne nuk duam përshkallëzim”, por "do të duhet të ndërhyjmë" nëse operacioni i Izraelit në Gaza vazhdon.

Shkëmbimet e paralajmërimeve vazhdojnë në TV. Ministri i Jashtëm iranian Hossein Amir Abdollahian, i cili takoi liderin politik të Hamasit në Katar dhe liderin e Hezbollahut në Liban, tha për Al Jazeeran: "Nëse entiteti sionist vendos të hyjë në Gaza, udhëheqësit e rezistencës do t'i kthejnë forcat pushtuese në një varrezë", dhe Shtetet e Bashkuara do të pësojnë "dëme të konsiderueshme".

Dhe Jake Sullivan, këshilltari për sigurinë kombëtare në SHBA, në një intervistë për CBS, theksoi: "Kërcënimi është real. Ekziston rreziku i përshkallëzimit të këtij konflikti, i hapjes së një fronti të dytë në veri dhe padyshim i përfshirjes së Iranit. Ne duhet të përgatitemi për çdo rast”.

Gjeneralët shprehin shqetësimin se Amerika mund të tërhiqet zvarrë në konflikt, shkruan “Neë York Times”.

Kina po ashtu hyn në lojë. Blinken kishte telefonuar homologun e tij Wang Yi, duke kërkuar që të përdorte ndikimin e Pekinit për de-përshkallëzimin.

Por ndërsa Blinken ka kërkuar të kufizojë kritikat ndaj Izraelit nga vendet arabe, raportet e Republikës Popullore thonë se Ëang i tha homologut të tij saudit se "veprimet e Izraelit tashmë kanë shkuar përtej vetëmbrojtjes dhe se ai duhet të dëgjojë thirrjet e komunitetit ndërkombëtar dhe Sekretarit të OKB-së për të ndaluar “ndëshkimin kolektiv të banorëve të Gazës”.

Ai i tha dhe homologut të tij iranian se "shkaku kryesor i situatës izraelito-palestineze është se e drejta e popullit palestinez për të pasur një shtet është lënë mënjanë për një kohë të gjatë".

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.