.png)
Të dhënat e INSTAT të 2018-ës do të tregonin se 1/3 e shqiptarëve nuk kishin lexuar asnjë libër gjatë një viti.
Përpos statistikave zyrtare, botuesit dhe aktorët e fushës gjykojnë se leximi në raport me numrin e popullsisë është i vogël, por i ndikuar kjo nga situata e paqëndrueshme politike edhe ekonomike që ndihet edhe tek lexuesi. Por, mendojnë ata, besnikët e librit, është pjesa e popullsisë me të ardhura më të pakta, edhe ky. Është një shkak me gjithë sakrificat e bëra për të lexuar.
Megjithatë statistikat më të fundit të INSTAT për kulturën, tregojnë një sjellje intersante të shqiptarëve të frekuentimit të Bibliotekës Kombëtare në tremujorin e pare të 2020-ës, duke marrë parasysh se në ditët e para të muajit mars edhe Biblioteka Kombëtare u mbyll për shkak të pandemisë Covid-19.
Sipas INSTAT, në tremujorin e parë 2020, numri i shërbimeve të njësive bibliotekare është 17 mijë e 213, ndërkohë numri i frekuentuesve në Bibliotekën Kombëtare ishte 26 mijë e 685, vetëm 3 984 frekuentues më pak se tremujorin e një viti më parë. Në Bibliotekën Kombëtare, në tremujorin e parë 2020 janë afishuar 1.076 tituj të rinj dhe 4.669 ekzemplarë të rinj.
Në faqen e vetë në fcbook Biblioteka Kombëtare do të njoftonte se “Sikurse ju kemi njoftuar edhe më herët, për shkak të situatës së krijuar nga #COVID19 , #BibliotekaKombëtareeShqipërisë ka ndërprerë shërbimet në ambientet fizike të saj. Në këto kushte, ajo u vjen në ndihmë përdoruesve të saj me #BibliotekënDigjitaleAlbanologjike e cila përmban koleksione të rralla të Bibliotekës Kombëtare të Shqipërisë, si: #libra #antikuarë #dorëshkrime #harta dhe #periodikë të shekujve XV-XIX në gjuhën shqipe dhe në gjuhë të tjera.
Për më shumë informacion, klikoni në http://ëëë.bksh.al/gsdl/cgi-bin/library.exe”
Në të njëjtën kohë Biblioteka Kombëtare njoftonte se vijon pa ndërprerje shërbimet e saj online; për lexuesit-anëtarësimi, nëpërmjet portalit #eAlbania
#PërBotuesit- pajisja me ISBN
- pajisja me CIP
- anulim ISBN-je.
Gjithashtu, në këto ditë të vështira, disa platforma virtuale ndërkombëtare të leximit po ofrojnë qasje të lirë në faqet e tyre elektronike. Në mënyrë që kjo periudhë të kalojmë sa më lehtë, pa u shkëputur nga bota e leximit dhe e hulumtimit, Biblioteka Kombëtare e Shqipërisë ka vënë në dispozicion të përdoruesve të saj listën e disa prej këtyre platformave:
#LibraryofCongress
#Europeana
#WorldDigitalLibrary
#BibliothèqueNationaldeFrance
#Amazon
#OpenLibrary
#GoodReads
#Gutenberg
#FreeEBooks
Në të njëjtën kohë, libradashësit kanë pasur mundësi të aksesojnë edhe libraritë për të blerë libra, pasi kanë qenë bizneset që qendruan më pak mbyllur nga të gjithë përgjatë izolimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
