.png)
Gazeta Si – Sfidën e kuqezinjve në Spanjë e ka fituar Ivan Balliu. Bindshëm madje, 0-2. Rajo Valekano triumfoi edhe në javën e dytë të La Ligës, duke mundur në transfertë Granadën e rikthyer në nivelin elitar të futbollit spanjoll.
Uzuni dhe Balliu, dy lojtarët e Kombëtares shqiptare, ishin titullarë dhe luajtën 90 minuta të plota mbrëmjen e së hënës. Në fund ka festuar Ivan Balliu, një nga lojtarët kyç të Rajo Valekanos sezonet e fundit. Paraqitja e mbrojtësit të djathtë është vlerësuar me notën 7.3, nga më të mirët për skuadrën e tij.
Myrto Uzuni në anën tjetër është vlerësuar me notën 6.6. Sulmuesi kuqezi nuk ka mundur të shënojë në dy javët e para të kampionatit dhe Granada ka pësuar 2 humbje, që e rendisin në vend të fundit. Është e qartë se La Liga ndryshon shumë nga Liga 2.
Rajo Valekano e Balliut ndërkohë kryeson renditjen me 6 pikë, bashkë me Realin e Madridit. E rëndësishme është që këta dy futbollistë po luajnë rregullisht dhe pritet të vijnë në formë për dy sfidat e shtatorit të Kombëtares. Deri atëherë Uzuni, të cilin ndoshta e çorientojnë pak edhe zërat e merkatos, duhet të jetë zhbllokuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
