Ai është infektuar nga koronavirusi tri javë para Mattias, "pacientit 1" në Codogno të Italisë. Xhoni Mustafaraj, 18 vjeç, futbollist profesionist i kategorisë C me origjinë shqiptare, jeton sëbashku me familjen në San Martino Strada, në provincën e Lodit. Ai ka rrëfyer për emisionin investigativ “Le Iene” historinë e sëmundjes së tij me Covid 19, nisur 3 javë para se në Itali të konfirmohej rasti i parë i pacientit të infektuar nga koronavirusi. Më datë 2 shkurt 2020 ai u shtrua në spital për vështirësi në frymëmarrje, humbje të shqisave të shijimit, nuhatjes dhe me temperaturë të lartë.
Pati të gjitha simptomat e Covid-19 e për dy javë rresht dhe është kuruar në repartin e terapisë intensive. Më pas prej datës 13 shkurt deri më 26 shkurt në atë të dializës për shkak të dëmtimit të celulave muskulore e hyrjes së tyre në gjak, ku diagnoza ishte rhabdomiolizë. "Gjatë periudhës së sëmundjes, gati tre javë, kam humbur 10 kilogramë në peshë- thotë 18 vjeçari - Ishte e vështirë për të luftuar koronavirusin, veçanërisht gjatë shtrimit në spital në kujdesin intensiv".
Ai luan me Pergolettese në Serie C dhe sot ai është rikthyer në jetën e tij normale dhe pothuajse e ka rikuperuar plotësisht formën e tij fizike. Nga procesverbali mjekësor i lëshuar nga spitali Maggiore i Lodi rezulton se nuk i është bërë asnjë tampon për të verifikuar se ai mund të ketë kontraktuar koronavirusin (protokolli ende nuk e parashikonte një gjë të tillë). Kështu që vetëm dy javë më parë, më 20 maj, ai bëri testin sieorologjik, duke zbuluar se është negativ nga koronavirusi, por që trupi i tij ka formuar antikorpe që dëshmojnë se ka që i infektuar nga Covid 19. "Rezulton se unë jam negativ për koronavirusin, por që kam zhvilluar antitrupat, kështu që me shumë mundësi e kam kaluar - përfundon 18-vjeçari nga Lodi - Tani do të më duhet të kem siguri. Kështu që kam kërkuar të kryejë dhe tamponin Covid dhe jam në pritje të përgjigjes nga spitali i Lodi’’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.