.png)
Policia e Tiranës ka vënë në pranga një person me rrezikshmëri shoqërore, i cili ishte shpallur në kërkim për “Vrasje me paramendim e mbetur në tentativë” dhe “Armëmbajtje pa leje”.
Siç njofton policia, pas informacioneve të marra se një person në kërkim nga Vlora fshihej në një pallat në lagjen “Ali Demi” u zhvillua dhe finalizua operacioni policor i koduar “Befasia”.
Mësohet se në pranga ka përfunduar shtetasi T. M., 29 vjeç, lindur në Vlorë dhe banues në Vlorë.
Policia thotë se 29-vjeçari ishte shpallur në kërkim, pasi Prokuroria pranë Gjykatës së Apelit Vlorë më datë 18.09.2018 ka dërguar urdhrin për ekzekutimin e vendimit penal të Gjykatës së Apelit Vlorë, e cila ka vendosur masën e sigurisë nga “Arrest në shtëpi” në atë me “Arrest me burg” për veprat penale “Vrasje me paramendim e mbetur në tentativë” dhe “Mbajtja pa leje e armëve luftarake dhe municioneve”.
Ndërkohë, është njoftuar Drejtoria Vendore e Policisë Vlorë për ndjekjen e mëtejshme të procedurave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
