Një 44-vjeçar, që për policinë njihet si një person me rrezikshmëri të lartë shoqërore, është vënë në pranga mëngjesin e të mërkurës.
Ai kishte dy identitete, pasi njihet si Erjon Markol, por dhe Sefer Markola dhe është arrestuar, pasi Gjykata e Rrethit Gjyqësor Tiranë i ka caktuar masën e sigurimit “Arrest në burg” në mungesë, për veprën penale “Plagosja e rëndë me dashje”.
Markola është dënuar pasi më datë 31 mars të këtij viti, në bulevardin “Migjeni”, ka plagosur me thikë një person. 44-vjeçari është dënuar më parë në Shqipëri dhe në Gjermani, për veprën penale “Plagosja e rëndë me dashje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.