.png)
Gazeta Si - Jair Bolsonaro, ish-presidenti i Brazilit, duket se dëshiron të qëndrojë në Shtetet e Bashkuara për muajt e ardhshëm. Ai ka aplikuar për vizë turistike në vendin ku udhëtoi dy ditë para betimit të pasueses së tij Injacio Lula.
Bolsonaro hyri në SHBA me një vizë diplomatike, ndoshta sepse ai ishte ende president kur mbërriti.
Më shumë se një javë më vonë, mbështetësit e Bolsonaros sulmuan parlamentin dhe institucione të tjera. Në Brazil, një hetim është duke u zhvilluar për rolin e Bolsonaros në këto trazira.
Menjëherë pas ngjarjeve, Bolsonaro tha se donte të kthehej në Brazil në fund të muajit, kur i skadoi viza diplomatike. Ai u shtrua në spital për një kohë të shkurtër në SHBA me dhimbje abdominale pas një goditjeje me thikë në vitin 2018 dhe tha se donte donte të vizitohej nga mjekët.
Dy javë më vonë, Bolsonaro duket se ka ndryshuar mendje. Nëse i miratohet viza turistike, ai mund të qëndrojë në vend për gjashtë muaj.
Bolsonaro thuhet se banon në Florida, pasi është parë në publik në Orlando. Anderson Torres, i cili ishte ministër i Drejtësisë nën drejtimin e Bolsonaros, qëndroi gjithashtu në Florida.
Pas sulmit, ai u kthye në Brazil, ku u arrestua. Që nga fillimi i këtij viti, Torres është emëruar si përgjegjësi më i lartë për sigurinë publike në Brazilia. Në ditën e sulmit, ai u pushua nga puna.
Është e paqartë nëse Bolsonaro me të vërtetë dëshiron të qëndrojë në SHBA për gjashtë muaj nëse merr vizë.
Avokati i tij në SHBA, tha në një deklaratë se ai "dëshiron të qetësohet dhe të shijojë disa muaj si turist përpara se të vendosë për lëvizjen e tij të ardhshme".
Pas trazirave, 46 demokratë i bënë thirrje presidentit Biden të kthejë Bolsonaros në Brazil: "SHBA nuk duhet ta strehojë atë, apo ndonjë autokrat që frymëzoi një dhunë të tillë kundër institucioneve demokratike".
Departamenti Amerikan i Shtetit nuk i është përgjigjur ende synimit të Bolsonaros për të qëndruar në SHBA.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
