Tomas Strakosha, portieri i Kombëtares shqiptare, dhe mesfushori i Milanit, Frenk Kesi, mund të jenë infektuar nga koronavirusi. E deklaron Masimo Brambati, një ish-lojtar i Torinos dhe Barit. Lajmi është publikuar nga “Gazzetta dello Sport”, që i referohet deklaratës së Brambatit për dy raste të reja pozitive në Serinë A.
“Një lojtar i Milanit dhe një lojtar i Lacios janë pozitivë me koronavirus. Strakosha, për të cilin thonë se ka një dëmtim në kavilje, nuk është e vërtetë, është pozitiv, ka bërë një tampon. Lojtari i Milanit i infektuar është Kesi, i cili ka udhëtuar bashkë me Gervinho nga Afrika”, - ka thënë Brambati.
Deklarata e tij ka sjellë reagimin e vëllait të Strakoshës, Dhimitrit, i cili e quan të turpshme atë që thotë ish-lojtari, duke ngritur akuza të pabaza. Klubet e Lacios dhe Milanit ende nuk kanë mbajtur asnjë qëndrim zyrtar në lidhje me këtë çështje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.