Një "incident" i papërcaktuar ende, ka ndodhur këtë mëngjes në uzinën e pasurimit të uraniumit në Natanz në Iranin qendror, pa shkaktuar viktima ose shpërndarje të materialit radioaktiv, sipas agjencisë vendase të lajmeve, “Fars”, e cila citon zëdhënësin e organizatës iraniane për energjinë atomike.
"Një incident, - tha zëdhënësi i organizatës, Behrouz Kamalvandi, - ka ndodhur në rrjetin elektrik të uzinës së pasurimit Chahid-Ahmadi-Rochan", kompleksi bërthamor Natanz, ku autoritetet iraniane nisën dje punën me centrifugat e reja të ndaluara nga marrëveshja bërthamore e vitit 2015.
Në fillim të korrikut, një fabrikë e përparuar e montimit të centrifugave, ishte dëmtuar rëndë nga një shpërthim misterioz.
Autoritetet arritën në përfundimin, se kishte "sabotim terrorist", por ende nuk kanë bërë publike rezultatet e hetimeve të tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.