Ministrja Belinda Balluku ka takuar homologun gjerman, Andreas Scheuer, në darkën zyrtare të mbajtur në kuadër të ministerialit të “International Transport Forum” në Leipzig, ku në fokus kanë qenë investimet në sektorin e transporteve. Në darkën zyrtare në Leipzig kanë marrë pjesë 36 ministra nga e gjithë bota.
Me anë të një postimi në “Facebook”, ministrja Balluku shprehet se tema kryesore e këtij takimi ishin investimet e huaja në fushën e transportit. Po ashtu ministrja Balluku thekson edhe bashkëpunimin dhe mbështetjen që qeveria gjermane po i ofron qeverisë shqiptare në këtë sektor.
“Ecuria e reformave në Shqipëri, investimet e huaja në fushën e transportit dhe sfidave që kemi përpara në këtë moment kaq të rëndësishëm për zhvillimin e vendit dhe bashkëpunimi e mbështetja që qeveria federale gjermane na ofron, ishin temat kryesore të këtij takimi”, shkruan ministrja Balluku në “Facebook”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.