Nga Gazeta ‘Si’-Inflacioni në Europë ra në nivelin më të ulët në dy vjet në shtator, duke sugjeruar se dieta e qëndrueshme e rritjes së normave të interesit e Bankës Qendrore Europiane po ia del mbanë të frenonjë çmimet e rënduara.
Inflacioni në 20 vendet që ndajnë euron ishte 4.3% në shtator, ritmi më i ngadaltë që nga tetori 2021, nga 5.2% një muaj më parë, sipas të dhënave të Eurostat të publikuara sot(29 shtator).
Inflacioni duke përjashtuar ushqimin, energjinë, alkoolin dhe duhanin – i cili monitorohet nga afër nga BQE si një matës më i mirë i trendit themelor – ra në 4.5% nga 5.3%, rënia më e madhe që nga gushti 2020.
Këto lexime ka të ngjarë të forcojnë bindjen e BQE-së se ajo kishte rritur mjaftueshëm normat e interesit për të ulur inflacionin në objektivin e saj prej 2% deri në vitin 2025.
Inflacioni arriti në nivele dyshifrore vjeshtën e kaluar mes një kombinimi të kostove në rritje të energjisë, pengesave pas pandemisë në zinxhirët e furnizimit dhe shpenzimeve të larta qeveritare.
Si përgjigje, BQE e ngriti normën e saj bazë të interesit në një nivel rekord prej 4.0% nga minus 0.5% në pak më shumë se një vit.
Rënia e inflacionit ishte me bazë të gjerë në shtator, ku të gjitha kategoritë u rritën me një ritëm më të ngadaltë dhe çmimet e energjisë ranë plotësisht për të pestin muaj radhazi.
Burimi: Reuters/Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.