.png)
Zinedine Zidane, trajneri i Real Madridit, ka rezultuar pozitiv në testin e radhës për koronavirus. Lajmin e ka bërë publike vetë klubi madrilen, ku nëpërmjet një komunikate në sajtin e saj zyrtar ka bërë të ditur opinionin publik se tekniku francez është infektuar nga COVID-19: “Real Madrid komunikon se trajneri, Zinedin Zidan ka rezultuar pozitiv me COVID-19.”, shkruhej në komunikatë.
Comunicado Oficial: Zidane#RealMadrid
— Real Madrid C.F. (@realmadrid) January 22, 2021
Në këtë mënyrë skuadra merengues do t’i nënshtrohet kontrollit të tamponëve, për të parë gjendjen e skuadrës. Francezi nuk do të jetë në gjendje të japë konferencën për shtyp para duelit kundër Alavés, nuk do të jetë në stol as në ndeshjet e ardhshme.
Do të jetë David Bettoni, trajneri i dytë i Real Madridit, i ngarkuar të flasë për mediat dhe të drejtojë ‘’Los Blancos’’ derisa Zidane të negativizohet. Vlen të theksohet se madrilenëve nuk i ndahen problemet pas paraqitjeve të dobëta dhe pas eliminimit në Kupën e Mbretit, tani i shtohet dhe infektimi i “drejtuesit” të tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
