.png)
Infektohet me Covid-19 ambasadori i Bashkimit Europian në Shqipëri, Luigi Soreca.
Lajmin e ka bërë me dije vetë ambasadori, i cili shkruan në “Twitter” se pas bërjes së testit, është konfirmuar pozitiv me Covid-19.
Ai shton se është në gjendje të mirë dhe ndodhet në vetëizolim.
“Pas marrjes së testit, sot mora konfirmimin se rezultova pozitiv ndaj Covid-19. Jam mirë me shëndet, ashtu si dhe familja ime. Unë jam në vetëizolim në shtëpinë time nga ku do të vazhdoj të ndjek nga afër punën e përditshme të Delegacionit të BE në Tiranë. Mbani veten të shëndetshëm dhe qëndroni të sigurt”, shkruan ambasadori Soreca.
Ditën e djeshme rezultoi me Covid-19 edhe mjeku infeksionist, Pëllumb Pipero, i cili ishte ndër të parët që u vaksinua.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
