Inspektoriati i Lartë i Drejtësisë ka dorëzuar në KLGJ kërkesën për pezullim dhe shkarkim nga detyra të magjistrates së Elbasanit, Enkeleda Kapedani. ILD thotë se veprimet e Kapedanit diskreditojnë rëndë figurën e gjyqtarit. Kërkesa erdhi pas publikimit të një sërë videosh që gjyqtarja kishte publikuar në rrjetin social ‘Tik Tok’ si në zyrën e saj në Gjykatën e Elbasanit. Kapedani mohoi publikimin e videove dhe ekzistencën e profilit të saj në “Tik Tok”. Ndërkaq në një reagim, ministrja e Drejtësisë Etilda Gjonaj i cilësonte “të pakomentueshme shfaqjet e gjyqtares së Elbasanit”. Më tej Gjonaj është shprehur se që prej dhjetorit 2019, i ka kërkuar me shkrim KLGJ-së verifikimin dhe marrjen e masave për të pas lirimit të një subjekti kriminal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.