.png)
Lautaro Martinez është një hap nga Barcelona dhe Inter mund të arkëtojë 85 milionë euro plus një lojtar. Mauro Icardi pritet të kalojë përfundimisht tek Psg për 60 milionë plus 5 bonus, ndërsa blerja e Ivan Perisic do ti kushtojë Bayern 10 milionë euro. Llogaria është e bërë dhe pasi të përfundojë gjithçka, drejtuesit zikaltër do të nisin operacionin “rinovimi i sulmit”.
Po kush do të jetë në krah të Lukakut? Timo Werner kushton 50 milionë, por më shumë se tratativa me Leipzig, tremb konkurrenca e Liverpool.
Mbetet gjithnjë e nxehtë pista Cavani, që ka avantazhin se mund të mbërrijë me parametër zero, duke qenë se është në skadencë me Psg. Pengesa në këtë rast është rroga. Inter është i gatshëm ti ofrojë një kontratë tre vjeçare, por është ende larg nga shifra e kërkuar nga Matador, që nuk dëshiron të zbresë nën 10 milionë në vit. Por në fund të fundit, palët ka të ngjarë të gjejnë një marrëveshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
