Gazeta Si – Zllatan Ibrahimoviç po tenton të arrijë një akord me Konten, edhe pse drejtuesit e Milanit preferojnë një tjetër profil trajneri, gjithmonë nëse përfundon historia me Stefano Piolin.
Zërat për Antonio Konten si trajner të ardhshëm të Milanit sa vijnë dhe shtohen. Napoli e kërkon gjithashtu, por trajneri puljez duket se e ka marrë vendimin: sezonin e ardhshëm dëshiron të ulet në stolin kuqezi, në vend të Stefano Piolit. Trajneri i titullit të fundit duket pranë lamtumirës në fund të sezonit. Këto muaj duhet të jenë të fundit për Piolin te Milani.
Ardhja e Ibrahimoviçit, edhe pse si konsulent i RedBird dhe jo si drejtues i brendshëm i klubit, i ka trazuar ujërat. Në fakt, është ish-sulmuesi që dëshiron Konten në krye të stolit të Milanit dhe ai vetë po bisedon për kushtet e kontratës.
Duhet vendosur çdo pjesë në vendin e vet për të plotësuar mozaikun, që nga paga te stafi, duke kaluar tek ambiciet dhe grupi i lojtarëve. Nuk është aspak e thjeshtë, por Ibrahimoviç gjithsesi po provon.
Zgjedhja e Kontes do të kënaqte edhe tifozët ambiciozë. Drejtuesit e klubit në anën tjetër preferojnë një trajner më të ri, një profil si ai i Tiago Motës, kur të ketë përfunduar era e Piolit. Nëse vjen Konte, do të jetë ai që do të vendosë se kush do të qëndrojë dhe kush do të largohet nga Milanelo. Për këtë pjesë ka kohë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.