I theu këmbët policit në Berat, Gjykata kthen në burg shoferin

11:02 - 20 Gusht 2018

Gjykata e Apelit Vlorë ka kthyer në burg 37-vjeçarin, Ylli Luka, i akuzuari për plagosjen e rëndë të efektivit të policisë Kuçovë, Jonuz Vrapi.

Pas rekursit të Prokurorisë së Rrethit Berat, Gjykata e Apelit Vlorw ka ndryshuar masën e arrestit nga "detyrim paraqitje" në "arrest me burg" për Ylli Lukwn.

Sipas policisë më datë 19.08.2018, u arrestua shtetasi Ylli Luka 37 vjeç, banues në fshatin Nikël-Fushë Krujë, pasi Gjykata e Apelit Vlorë ka vendosur masën e sigurisë “Arrest me burg” për veprat penale “Goditje për shkak të detyrës”, “Shkelje të rregullave të qarkullimit rrugor” dhe “Largim nga vendi i ngjarjes”.

Ngjarja ka ndodhur mw 28 korrik ku Ylli Luka aksidentoi rëndë policin e qarkullimit rrugor Jonuz Vrapi, duke i thyer të dyja këmbët.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.