Një 41-vjeçar i shpallur në kërkim nga Italia për grabitje me armë dhe i dyshuar si kreu i një organizate kriminale, është arrestuar në Rinas.
Policia njofton se shtetasi shqiptar B.Q., alias B.S., banues në Tiranë, ishte shpallur në kërkim ndërkombëtar nga autoritetet italiane.
Gjykata e Torinos në vitin 2019, kishte lëshuar urdhër arresti për veprën penale "Organizatë kriminale" dhe "Grabitje me armë".
41-vjeçari akuzohet për pjesëmarrje në organizatë kriminale në fushën e vjedhjes së banesave me përdorimin e armëve të zjarrit.
Në rolin e drejtuesit të organizatës kriminale, ai siguronte automjetet dhe armët, me qëllim kryerjen e krimeve. Ky shtetas është akuzuar dhe për mbajtje të armëve në publik.
Arrestimi provizor u krye me qellim ekstradimin e tij drejt Italisë, mbështetur në “Konventën Evropiane të Ekstradimit” të vitit 1957.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.