Etrit Berisha qetëson tifozët e Spal dhe ata të kombëtares shqiptare përsa i përket gjendjes së tij shëndetësore. Etrit Berisha është infektuar me COVID-19 dhe ditët e fundit ai ka pasur shqetësime, ndaj edhe një ditë më parë u shtrua në spital në Ferrara të Italisë. Klubi i SPAL njoftoi se portieri dhe kapiteni i kombëtares shqiptare do të kryente disa kontrolle të specializuara dhe ditën e sotme ai ka njoftuar se gjithçka ka shkuar mirë, siç njoftoi vetë ai në profilin e tij në Instagram.
“Përshëndetje të gjithëve. Doja t’ju informoja se kontrollet që kam pasur ditën e djeshme kanë shkuar mirë. Ju falënderoj të gjithëve për mesazhet dhe shihemi së shpejti”.
Lojtari ishte vendosur në karantinë paraprake 19 nëntorin e kaluar, pasi u kthye nga angazhimet me ekipin kombëtar shqiptar, për shkak të kontakteve me Elseid Hysaj, i cili rezultoi pozitiv. Pavarësisht se tamponi rezultoi pozitiv, SPAL ka preferuar të mos rrezikojë, duke shmangur kështu çdo kontakt me pjesën tjetër të ekipit për portierin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.