Gazeta Si - Pascale Ferrier i kishte shkruar dhe dërguar një letër presidentit të atëhershëm të SHBA-së, Donald Trump, por tani është dënuar me 22 vjet burg, sepse ai zarf përmbante ricin, një proteinë bimore shumë toksike.
Gruaja 55-vjeçare franko-kanadeze, kishte arritur në shtëpinë e saj në Quebec, duke shkelur ligjin që ndalon mbajtjen dhe përdorimin e armëve biologjike të ndaluara.
Ajo pranoi qëllimin e gjestit dhe se helmin e kishte prodhuar vetë në shtator 2020, përpara se ta përfshinte në letrën e destinuar për Shtëpinë e Bardhë.
Ferrier i tha gjykatës se i vinte keq që plani i saj kishte dështuar dhe se “nuk mund ta ndalonte Trumpin”. Në një fjalim të gjatë në gjykatë, ajo tha gjithashtu se e shihte veten si një aktiviste dhe jo si terroriste.
“Dua të gjej mjete paqësore për të arritur qëllimet e mia”, shtoi Ferrier.
FBI gjeti gjurmët e gishtave të saj në letrën drejtuar zotit Trump, e cila i kërkonte atij të hiqte dorë nga gara presidenciale.
“Kam gjetur një emër të ri për ty: “Kllouni i shëmtuar tiran”, shkruante ajo në letër, sipas dokumenteve të akuzës së FBI-së.
Tetë letra të tjera të të njëjtit lloj u ishin dërguar po aq zyrtarëve të zbatimit të ligjit në shtetin e Teksasit.
Përveç helmit, letrat përmbanin të gjitha mesazhe kërcënuese, me urdhër për t'u tërhequr nga zgjedhjet e ardhshme, sipas asaj që bën të ditur Departamenti i Drejtësisë.
Prokurori Michael Friedman, tha se dënimi ishte "mjaft i ashpër", i cili dërgon një mesazh të qartë.
“Nuk ka asnjë justifikim për të kërcënuar zyrtarët publikë apo për të shënjestruar nëpunësit tanë civilë, jo më vetë presidentin e Shteteve të Bashkuara”, shtoi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.