Një 45-vjeçar i dënuar për trafik droge dhe i shpallur në kërkim ndërkombëtar në Itali, është vënë në pranga nga Policia e Durrësit.
I arrestuari është shtetasi Sokol Tatani (Isteri), banues në qytetin bregdetar. Ai është ndaluar teksa ka qenë i ulur në një kafene në lagjen nr.16 të qytetit në kuadër të operacioni të koduar “Las Coffee”.
Tatani është dënuar me 9 vite burg nga Gjykata e Pizës për trafik droge dhe autoritetet gjyqësore të Barit kishin prerë një urdhër-arresti ndërkombëtar për të.
I ndaluari dyshohet se gjatë viteve 2001 dhe 2002, ka trafikuar sasi të ndryshme heroine nga Shqipëria për në Itali. Pas përfundimit të procedurave mes Interpol Romës dhe Tiranës, 45-vjeçari do të ekstradohet drejt Italisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.