.png)
Është ekstraduar nga Gjermania shtetasi Byniamin Hajro i dënuar me 25 vite burg për vrasje.
Sjellja në Shqipëri e Hajros ka ardhur si rezultat i bashkëpunimit të Interpol Tirana me Interpol Wiesbaden, Gjermani.
Byniamin Hajro, 56 vjeç ishte i shpallur në kërkim ndërkombëtar, pasi Gjykata e Apelit Vlorë në vitin 2017 e ka dënuar me 25 vjet burg për veprën penale “Vrasje me paramendim e kryer në bashkëpunim”.
Hajro është nën akuze për një ngjarje të ndodhur në Berat në vitin 1997, ku u rrëmbyen dhe më pas u vranë shtetasit Arjan Avdullai, 18 vjeç dhe Eduart Pema, 25 vjeç. Prokuroria në lidhje me këtë ngjarje ka filluar hetimet në vitin 1998.
Gjykata e Apelit Vlorë në vitin 2017 e ka shpallur fajtor për këtë ngjarje Byniamin Hajron duke e dënuar me 25 vite burgim.
Hajro konsiderohet si një nga anëtarët më të rrezikshëm të bandës së Vakëfit përgjatë vitit të përgjakshëm, 1997 në qytetin e Beratit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
