.png)
Gazeta Si – Pas duelit mes Ramadanit dhe Bajramit, një tjetër ‘derbi’ shqiptarësh është luajtur këtë fundjavë në Itali. Elseid Hysaj dhe Berat Gjimshiti ishin përballë njëri-tjetrit pak ditë para sfidës që Kombëtarja do të luajë me Çekinë në ‘Air Albania’.
Ka festuar në fund Hysaj, pasi Lacio fitoi 3-2, pas autogolit të De Ketelaere dhe golave të Kastelanos e Vesino në fund. Të dy futbollistët kuqezi ishin titullarë dhe qëndruan në fushë 90 minuta. Konfirmohet kështu rënia e alarmit për Gjimshitin në prag të sfidës me Çekinë. Mbrojtësi i Atalantës është plotësisht i gatshëm.
Hysaj ishte lojtari më i mirë në mbrojtjen e Lacios për këtë ndeshje. Ai u aktivizua në krahun e majtë dhe u vlerësua me notën 6.6. Gjimshiti në anën tjetër nuk ishte në ditën e tij më të mirë, ndoshta edhe për shkak të dëmtimit që kaloi.
Këta dy lojtarë pritet të bashkohen ditën e hënë në stërvitje me Kombëtaren, që do të nisë përgatitjet për sfidën e së enjtes me Çekinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
