Uji i qetë që rrjedh në Hungari është si në asnjë vend tjetër. Në Budapest, lumi Danub është një arterie e qytetit e përshkuar nga ura ku kalojnë kalimtarët dhe admirojnë lëvizjen e anijeve. Liqeni Balaton është vendi i preferuar i hungarezëve për pushime. Banjat termale mund të gjenden në të gjithë vendin dhe kjo kulturë ka qenë pjesë e hungarezëve prej kohëve të hershme, duke përfituar nga vetitë shëruese të tyre. Budapesti është një nga qytetet më të dashura të Europës, me bukuritë arkitektonike si Parlamenti neo-gotik, Kalaja e madhe Buda dhe Ura e Zinxhirit Szechnyi. Veçanërisht mahnitëse është pamja nga “Bastioni i Peshkatarit” në agim, ndërsa qyteti ende fle dhe ndryshe nga jeta e natës që në këtë qytet, agimi është një moment paqe për qytetin.
Nëse shkoni në këtë qytet, do ta kuptoni sa shumë e duan ujin hungarezët. Ju do të mahniteni nga një zonë 147 milje bregdetare e rrethuar nga kodra, të cilat janë të veshura me vreshta. Nëse do t’i pyesësh hungarezët se çfarë do të thotë për ta gjithë kjo sipërfaqe e madhe uji, do të të përgjigjen se “uji është jetë”.
Nëse uji është jetë në këtë pjesë të Hungarisë, atëherë vera është gjaku dhe rajoni Tokaj është njohur prej shekujsh për verën e bardhë “Tokaji Aszú”. Nëse udhëtoni për në Tokaj, shihen një sërë vreshtat në horizont.
Kultura e SPA-së është shumë e vjetër në Hungari dhe bollëku i ujërave termalë është një nga mrekullitë e mëdha natyrore të vendit. Banjat termale konsiderohen si një thesar kombëtar dhe njerëzit i kanë shijuar ato për më shumë se 2000 vjet.
Aktualisht ka më shumë se 400 banja të tilla në të gjithë vendin dhe Liqeni Hévíz, një nga banjat e para të njohura të Hungarisë, mbetet vendi më i preferuar. Në mëngjesin e qetë kur dielli lind mbi liqen, uji i ngrohtë dhe ajri i freskët përzihen në një mjegull të butë, duke u dhuruar njerëzve një mëngjes të paharrueshëm. /National Geographic/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.