Një vit përpara zgjedhjeve, Partia Demokratike e Rithemelimit po lëviz për të përcaktuar drejtuesit politik nëpër qarqe.
Luçiano Boçi, nga një veprimtari e gjatë politike në Elbasan, pritet të lëvizë në një qark tjetër. Atij do t’i besohet bastioni historik i demokratëve, Shkodra të cilën demokratët e humbën në zgjedhjet e fundit lokale
Një tjetër qark, me drejtues politik është Vlora. Ky qark do të drejtohet nga deputeti i PD-së, Bujar Leskaj dhe Ina Zhupa.
Leskaj do të drejtojë veprimtarinë politike në qytetin e Vlorës, Himarë, Selenicë, ndërsa Zhupa Sarandën, Delvinën, Konsipolin dhe Finiqin.
Ndryshime edhe në Kryesinë e Grupit Parlamentar të PD.
Tre deputete gra morën poste drejtuese, ku Ina Zhupa u bë zëdhënëse e grupit, Elda Hoti sekretare e grupit dhe Albana Vokshi nënkryetare e grupit, post të cilin e ndan me Ervin Salianjin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.