.png)
Policia e Kukësit ka arrestuar një 31-vjeçar, pasi duke drejtuar automjetin në gjendje të dehur është përplasur me dy mjete të tjera.
“Specialistët e Sektorit të Policisë Rrugore në Drejtorinë Vendore të Policisë Kukës arrestuan në flagrancë shtetasin S. M., 31 vjeç, banues në fshatin Shkinak, Kukës”, thuhet në njoftimin e policisë.
Ngjarja ka ndodhur në aksin rrugor Kukës-Ura e Drinit Zi, në vendin e quajtur “Ramhas”.
31-vjeçari duke drejtuar në gjendje të dehur mjetin tip “Mitsubish” ka humbur kontrollin e mjetit dhe për pasojë është përplasur me një mjet tip kamion “Volvo” dhe një mjet tip “Ford”.
Si pasojë e aksidentit janë shkaktuar vetëm dëme materiale.
Materialet i kaluan Prokurorisë së Rrethit Gjyqësor Kukës, për veprën penale “Drejtimi i automjeteve në mënyrë të parregullt”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
