Hugo dhe Huxley, qentë blogerë që fitojnë 100 mijë paund në vit

Në pamje të parë Hugo dhe Huxley mund të duken si çdo qen tjetër shtëpiak, por këto të dy janë blogerë në rrjetet sociale dhe i sjellin pronares së tyre 100 mijë paund fitime në vit falë modelingut, reklamave dhe sponsorizimit.

Hugo, nëntë vjeç dhe Huxley, tre vjeç, janë pjesë e një tendence në rritje për kafshët shtepiake që bëjnë blogerët në rrjetet sociale, me agjencitë e reklamave që përfitojnë nga dashuria e internetit për çdo gjë që lidhet me kafshët shtëpiake.

Përveç produkteve për njerëzit, shumë kafshë shtëpiake reklamojnë produkte për qen që janë krijuar nga marka të njohura si Moncler apo Prada. Sipas firmës kërkimore SkyQuest, këto sende luksoze, të cilat mund të arrijnë lehtësisht qindra paund, qëndrojnë në krye të një tregu global të veshjeve për kafshë shtëpiake me vlerë më shumë se 5.7 miliardë dollarë në vit.

Ursula Aitchison, pronarja e dy qenve thotë se filloi të punonte si menaxhere aksidentalisht, gjatë një projekti si fotografe.

“Po punoja duke fotografuar njerëzit dhe qentë e tyre dhe e përdora Huxley si muzë dhe ushtrova me të”, thotë ajo.

“Krahasuar me qentë që po fotografoja, ai ishte shumë i mirë për të qëndruar i qetë dhe për të marrë poza, kështu që e dërgova në një agjenci reklamash”.

Hugo gjeti menjëherë punë dhe është shfaqur në reklama për një sërë markash dhe produktesh.

Tani ai fiton rreth 750 paund në një ditë normale dhe për një reklamë në Instagramin e dy qenve, kompanitë duhet të paguajnë 3 mijë deri në 5 mijë paund.

"Është puna ime me kohë të plotë tani", thotë Aitchison, 34 vjece.

“I kaloj ditët e mia duke i çuar qentë drejt fotosesioneve, duke ju mbajtur agjendën dhe duke menaxhuar postimet në Instagram”.

Aitchison thotë se ajo fiton të paktën 100,000 paund në vit nga puna e modelimit të qenve të saj.

Në fakt, shton ajo, me siguri duhet të arrijë deri në 150,000 paund nëse përfshin të gjitha dhuratat falas.

Shumë punë të Aitchison, Hugo dhe Huxley ofrohen nga agjencia e tyre, Urban Paës, e themeluar në 2015 për t'u kujdesur për kërkesën në rritje për modelet profesionale të qenve.

Layla Flaherty, shefi ekzekutiv dhe “detektivi i kafshëve shtëpiake”, thotë se kërkesa për kafshët shtëpiake si modele është rritur çdo vit dhe agjencia është zgjeruar nga qentë, te macet, lepujt, zogjtë, kuajt, zvarranikët, breshkat, madje edhe drerët dhe merimangat.

“Ka një kërkesë gjithnjë në rritje për kafshë në reklama, në TV dhe për promovimin e produkteve në mediat sociale”, thotë Flaherty.

"Këtë vit ne presim një rritje në rezervimet e lepurit pasi është viti kinez i lepurit".

Sidoqoftë, qentë janë një burim të ardhurash, veçanërisht në Instagram dhe TikTok.

"Kompanitë po kërkojnë reklama nga qentë më shumë se çdo gjë tjetër”.

Hugo dhe Huxley kanë një jetë që dhe njerëzit e kanë zili. Ata janë vazhdimisht duke ecur në tapetin e kuq në ngjarje dhe marrin dhurata falas, ushqim, veshje dhe gjithçka”.

Këshilla e Flaherty për këdo që mendon ta kthejë qenin e tyre në një yll të mediave sociale është që të "angazhohen që në fillim", të njohin audiencën dhe të qëndrojnë në krye të tendencave virale.

Burimi: The Guardian. Përshtati: Gazeta Si.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.