Hotelet më të fotografuara për Instagram

Një erë e re e hoteleve me dizajn gjithëpërfshirës është duke u përhapur në Shtetet e Bashkuara. Nga mali në bregdet, këto prona synojnë të jenë shtëpi larg shtëpisë. Arredimi i brendshëm krijon ndjenjën e banimit dhe shfaqin vepra arti vendas, rafte librash të kuruar dhe pishina më shumë se luksoze.

“Pushuesit amerikanë po lakmojnë gjithmonë e më shumë vende të pasuruara me histori dhe trashëgimi,” thotë Andrju Alford, shefi krijues i gradimit të Hoteleve. “Vizitorët duan të ndiejnë se kanë mbërritur në një vend të veçantë kur zgjohen në mëngjes.”

Hotelet me gjuhën e tyre të projektimit gjithashtu tregojnë një histori. “Njerëzit kujdesen për mënyrën se si bashkëveprojnë hotelet me galeritë lokale, sallën e restorantit, jetën e natës, festivalet kulturore dhe gjërat që shkojnë më tej.” Thotë Avi Brosh, themeluesi i hoteleve Palisocience.

Me një vëmendje tek detajet, këto hotele janë gjithashtu hite në mediat sociale. “Ata janë hapësira të bukura për të cilat njerëzit duan të flasin, fotografojnë dhe t’i shpërndajnë në mediet sociale,” thotë Daniel Caudill, drejtori krijues i Hotel Shinola. Brosh i Palisocience është dakord. “Këto lloje vende frymëzojnë për shumë kohë edhe pasi ju ktheheni në shtëpi nga udhëtimet tuaja.”

Modern, por në shpirt i vjetër, hoteli Perry Lane është një nga më elegantët në Xhorxhia. Në një lagje rezidenciale pranë Forsyth Park, hoteli ofron 167 dhoma të ftuar dhe suita që paraqesin vepra arti vendas.

I njohur për fokusin drejt cilësisë dhe dizajnit, prodhuesi i mallrave luksoz hapi Hotelin Shinola këtë janar në qendër të qytetit të Detroit, Michigan. 129 dhomat e mysafirëve minimaliste janë të pajisura me mobilje me porosi, mbulesa murale dhe aksesorë të prodhuar kryesisht në SH.B.A.

Hotelet Graduate Eugene tani janë të shtrira në 23 qytete universitare në të gjithë Amerikën — nga Berkeley, në Mississippi. Hotelet janë si një rikthim në ditët e shkollës me referenca të zgjuara kolegjiale. Arsyeja është e thjeshtë, pasi pjesa më e madhe e këtyre hoteleve janë pranë kolegjeve më të mëdha në SHBA.

Downtown Louisville në Kentucky, është shtëpia e Hotelit origjinal ‘Muzeu 21c’, i cili është më shumë një galeri arti dhe ka 91 dhoma. Në hyrje të hotelit ka një kopje të artë me madhësi të dyfishtë të “Davidit” të Michelangelo-s.

Këtë pranverë Hoxton u bë hoteli më i fundit në portofolin e këtij zinxhiri hotelesh të çuditshëm. Holli i hotelit të jep ndjesinë e një dhome ndenjeje në shtëpinë tuaj, përveç 182 dhomat i ka të ndara në tre nivele. Mobilimi i frymëzuar nga shekulli i shkuar i jep pronës një ndjenjë të cilësisë së mirë.

Nuk mund të ketë ndonjë hotel që të jep ndjesinë amerikane më shumë se sa El Rey Court. Në formën një shtëpizë me motor në anë të rrugës së vitit 1936, hoteli është i konceptuar si në një oaz pushimi në Santa Fe, New Mexico. Bujtina me 86 dhoma në ‘Rrugën 66’ pikën e saj më të fortë ka peizazhin.

Hotel Source, i cili u hap vitin e kaluar në veri të Denverit, krenohet se iu sjellë klientëve një pamje të “Rocky Mountains” dhe në punimet e tij theksi është vënë te dizajni që duhet të bëhet njësh me natyrën.

**Linja e hoteleve Austin u hap vitin e kaluar dhe është një riparim i një ndërtesë të vitit 1965, duke i dhënë një pamje moderne.**

I vendosur në New York City hoteli përfshin 86 dhoma dhe suita luksoze. Hoteli Whitby është destinacioni më i fundit ne Sh.B.A. nga hotelet luksoze të rrjetit të hoteleve britanike Kit Kemp. Projektuar për të dhënë ndjesinë e të banuarit në një miniapartament në qytet, pronat e Kemp janë të njohura për shfaqjet e tyre plot ngjyra deri diku edhe të guximshme.

Hoteli Fitler Club ka vetëm 14 dhoma. Kjo është për shkak se prona e vendosur në qendër të Philadelphias ndodhet brenda një klubi privat. Hoteli në 25,000 metra katrorë ka të gjitha llojet e pajisjeve të stërvitjes dhe preferohet nga sportistët.

Hotel Hewing në lagjen veriore të Minneapolis ka transformuar një depo të vitit 1897 në një rezidencë me 124 dhoma si dhe 14 suita. Ambienti me trarë të pishave dhe mure me tulla bëhet edhe më i freskët me detaje të frymëzuara nga Veriu i SHBA-ve.

Trendi i galerive murale që shfaqen në mediat sociale, është një nga arsyet pse Hotel NoMad në Los Angeles shfaq në 241 dhomat dhe suitat e tij vepra arti origjinale të kornizuara, të kuruara nga studiot e dizajnit me qendër në Paris. Para se të bëhej hotel, ndërtesa në qendër të qytetit në vitet 1920 ishte Banka italiane në SHBA.

Nëse doni të përjetoni një udhëtim në kohë në epokën e Revolucionin Industrial Amerikan këtë gjë e mund ta arrini përmes Hotelit The Foundry në Asheville, në Karolinën Veriore. Hoteli ka një kapacitet prej 87-dhoma në lagjen The Block. Artefaktet industriale të ruajtura bukur në të gjithë hotelin përfshijnë mure me tulla, rreze të ekspozuara dhe sinjalistikë origjinale të asaj epoke.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.