Gazeta Si – Në kuadrin e hetimit të Prokurorisë së Torinos në lidhje me bastet e vëna nga disa lojtarë të njohur në Itali, si Faxholi i Juventusit dhe Tonali e Xaniolo, është sekuestruar materiali i burimit të Koronës.
Policia ka sekuestruar ‘file’-t me audion misterioze, ku përmenden emra futbollistësh të tjerë nga ana e Mauricio Petras, burimit të supozuar të Fabricio Koronës, mbretit të paparacëve që nxorri skandalin e basteve ilegale. Lajmi është bërë i ditur nga burime pranë hetuesve.
Sekuestrimi është bërë në La Spezia. Deri pak ditë më parë materiali është ruajtur nga avokati Mateo Baso, të cilit i ishte dorëzuar nga vetë Petra. Avokati nuk e ka ekzaminuar kurrë përmbajtjen e materialit.
Në hetim, i akuzuari kryesor është Nikolo Faxholi i Juventusit, që ka pranuar gjithçka. Një tjetër emër i bujshëm i hetimit është Sandro Tonali, ish-lojtari i Milanit që tani luan për Njukastëllin. Mesfushori pritet të skualifikohet të paktën një vit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.