Gazeta Si - Herri Kejn është lojtari më i ri i Bajernit të Mynihut. Pas javësh pritje, klubi bavarez më në fund ka bërë goditjen vendimtare për të sistemuar repartin e sulmit. Bavarezët ishin në kërkim të një bomberi profilik për t’i dhënë trajnerit Tuhel një skuadër të kompletuar.
Akordi me Totenhemin, ku Kejn është rritur, duke shkuar në kuotën e 280 golave në 435 ndehsje të të gjitha kompeticioneve, parashikon që në arkat e anglezëve të shkojnë më shumë se 100 milionë euro. Sulmuesi ka firmosur një kontratë, që e lidh me Bajernin deri në 2027-ën.
🎬 Action! FC Bayern proudly presents 𝐇𝐀𝐑𝐑𝐘 𝐊𝐀𝐍𝐄. #ServusHarry pic.twitter.com/93IWBU7TOx
— FC Bayern München (@FCBayern) August 12, 2023
Me një video të postuar në rrjetet sociale, kapiteni i Anglisë ka përshëndetur tifozët e Totenhemit: "Vështirë ta them me fjalë se si mund të përshëndes një klub dhe tifozët e tij që kanë bërë kaq shumë për mua në karrierë. Do të jeni gjithmonë në zemrën time. Faleminderit Totenhem, faleminderit tifozë!"
Hard to put into words how to say goodbye to a club and fans who have done so much for me in my career. You will always be in my heart. Thank you Tottenham, thank you Tottenham fans. 💙 pic.twitter.com/L662cyax7p
— Harry Kane (@HKane) August 12, 2023
Blerjen e Kejn e ka përshëndetur presidenti i Bajernit, Herbert Heiner, i cili është shprehur: "Mirëse erdhe në Mynih, Herri! Jemi shumë të lumtur për ardhjen e një lojtari me kualitet të lartë. U desh punë për këtë çështje dhe komplimentet e mia shkojnë për të gjithë ata që u përfshinë në tratativa. Herri Kejn jo vetëm do të forcojë Bajernin e Mynihut, por do të jetë një e mirë për gjithë Bundesligën".
Sulmuesi foli shkurt, në pritje të konferencës së shtypit për prezantimin: "Jam shumë i kqnaqur që jam pjesë e Bajernit, një nga klubet më të rëndësishëm në botë dhe me një mentalitet fitues". Kejn do të mbajë fanellën me numër 9, që më parë ka qenë e Robert Levandovskit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.