Ka ndodhur

Heroinë dhe një sasi parash, arrestohet adoleshenti në Durrës

Policia e Durrësit ka goditur një rast të shpërndarjes së drogave të forta në lagjen nr.6 të qytetit, duke sekuestruar 11 doza heroinë dhe një sasi parash, si dhe duke arrestuar poseduesin e tyre.

Policia thotë se është vënë në pranga shtetasi G. B., 17 vjeç, banues në Durrës.

Gjatë kontrollit fizik të ushtruar ndaj këtij shtetasi, shërbimet e Policisë kanë gjetur dhe sekuestruar në cilësinë e provës materiale 11 doza me lëndë narkotike të dyshuar heroinë dhe 52.000 lekë.

Materialet i kaluan Prokurorisë së Rrethit Gjyqësor Durrës, për veprën penale “Prodhimi dhe shitja e narkotikëve”.


Copyright © Gazeta “Si”



Më Shumë