.png)
Lulzim Basha fitoi kryesinë (me jo shumë mbështetje në bazë nëse shohim anëtarët që votuan pro) por humbi një pjesë të konsiderueshme të deputetëve, ata që kishin ende një peshë elektorale në degët që përfaqësonin.
Pas 10 orë debatesh matematika e votave nuk pati ndonjë surprizë.
Basha mbajti njerëzit më të ngushtë, ndërsa në PD vijoi hemorragjia e dytë e njerëzve me largimin e disa deputetëve të cilët nuk u kursyen nga militante të Bashës edhe në orën 03.00 të mëngjesit kur braktisën votimin.
Kryesia e PD-së votoi në unanim që të zgjidhet kryetari i partisë në datën 29 korrik.
Një tezë kjo indirekt e mbështetur nga Lulzim Basha i cili po trumbeton nëpër takime të rinjsh se nuk po bën fushatë për tu rikthyer por qëndrimet e tij vërtetojnë të kundërtën.
Në deklaratat e tij ai ka dalë kundër ngritjes së grupeve të punës për riorganizim të PD duke përjashtuar cdo mundësi negocimi apo bashkimi me pjesën tjetër të PD së drejtuar nga Berisha.
E kundërta kërkohej nga grupi parlamentar i PD-së i mbështetur nga Gazment Bardhi. Deputetët kërkuan përmes një drafti zyrtar fillimisht riorganizimin kapilar të partisë (duke mos përjashtuar negociatat edhe me pjesën tjetër të partisë) dhe më pas në fund të procesit zgjedhjen e kryetarit të ri.
Për zgjedhjen e kryetarit të ri në fund të korrikut votuan 17 anëtarë të kryesisë, 2 vota kundër dhe tre abstenime.
Kjo tezë u mbështet më herët edhe nga një mbledhje e beftë e kryetarëve të degëve të zgjedhur nga koha kur Basha ishte kryetar i partisë.
Në fund të mbledhjes dhe votimit Jorida Tabaku dha dorëheqjen edhe nga detyra e nënkryetares së PD-së.
Votimi i kryesisë për zgjedhjen e kryetarit më 29 korrik.
Anëtarët që votuan pro:
1 ENKELEJD ALIBEAJ
2. FLUTURA AÇKA
3. JEMIN GJANA
4. TAULANT ZENELI
5. ENDRI HASA
6. INDRIT SEFA
7. KRESHNIK ÇOLLAKU
8. ROLAND BEJKO
9. GENTIAN GABA
10. AGRON KAPLLANAJ
11. ARBI AGALLIU
12. FITIM ZEKTHI
13. GAZMEND KODUZI
14. MERITA BAKIU
15. ORJOLA PAMPURI
16. TAULANDA JUPI
17. XHEMAL GJUNKSHI
Ata që votuan kundër:
JONILA GODOLE
FLAMUR HOXHA
Ata që abstenuan:
JORIDA TABAKU
JUELA HAMATI
ORIELA NEBIJAJ
Deputetët që u larguan nga mbledhja dhe nuk morën pjesë në votim:
GAZMENT BARDHI
SAIMIR KORRESHI
HELIDON BUSHATI
DASHNOR SULA
LEFTER GESHTENJA
BLEDION NALLBATI
DHURATA ÇUPI
Cfarë vendosi kryesia e PD:
1. Në çdo degë të PD brenda datës 15 korrik kryhet procesi i plotë i evidentimit të antarëve me të drejtë vote
2. Zgjedhjet për kryetar të PDSH zhvillohen në datë 29 korrik 2023.
3. Kryesia e PDSH brenda datës 12 qershor 2023, cakton grupet e punës në nivel qarku që në bashkëpunim me degët të mbikqyrin procesin e evidentimit të anëtarësisë;
4. Kuvendi i jashtëzakonshëm statutor zhvillohet brenda muaji shtator 2023;
5. Ngarkohen Sekretari i Përgjithshëm, Sekretariati dhe Komisioni Zgjedhor për njoftimin dhe ndjekjen e zbatimit të këtij vendimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
